O‘zbekiston Prezidenti Shavkat Mirziyoyev raisligida 6-noyabr kuni o‘tkazilgan sog‘liqni saqlash tizimini tubdan isloh qilish masalalariga bag‘ishlangan yig‘ilishda Andijon viloyati hokimi Shuhrat Abdurahmonov ham so‘zga chiqdi.
“Daryo” muxbirining xabar berishicha, viloyat rahbari hududda tibbiyot tizimida olib borilayotgan ishlar to‘g‘risida gapirarkan, Prezidentga o‘zining sohaga oid bir qancha takliflarini ham bildirdi.
“Hurmatli Prezident, hozir biz tibbiyot tizimidagi kvotalarni o‘zimiz belgilay olmaymiz. Viloyatda kadrlar qayerga kerakligini biz hokimlar yaxshi bilamiz. Shuning uchun, sog‘liqni saqlash vaziri bilan kelishgan holda kvotalarni ham sharoitdan kelib chiqib o‘zimiz belgilasak.
Shuningdek, odamlarimiz hozir sog‘lig‘iga juda befarq. Ular ahvoli og‘irlashib yiqilmaguncha tibbiy tekshiruvlarga bormaydi. Shu bois fuqarolarga tibbiy tekshiruvlardan o‘tishni majburiy qilish kerak, nazarimda. Mazkur tizimni ruxsat bersangiz, Andijon viloyatida tajriba qilib ko‘rsak”, — dedi Abdurahmonov.
Shavkat Mirziyoyev ushbu takliflar bo‘yicha sog‘liqni saqlash vaziri tez orada viloyatga borishi, barcha masalalar Xalq deputatlari viloyat kengashi qarori bilan amalga oshirilishini ta’kidladi.
Mavzuga doir:
- “Poytaxt shifoxonalarida birorta bemorning ishi, afsuski, pulsiz bitmaydi” — Shavkat Mirziyoyev Toshkent shahar sog‘liqni saqlash tizimi haqida
- Shavkat Mirziyoyev: Tibbiyot tizimining kamida 50 foiz ishi aholini to‘g‘ri ovqatlanish va jismoniy tarbiyaga o‘rgatish bo‘lishi lozim
- Shavkat Mirziyoyev: Sog‘liqni saqlash vazirligi faoliyatiga, uning kadrlar masalasiga endi hech kim aralashmaydi
Izoh (0)