“Xalq banki” boshqaruvi raisining o‘rinbosari “O‘zbekchorvanasl” agentligi bosh direktori etib tayinlandi

Baxtiyor Atamuradov “O‘zbekchorvanasl” agentligi bosh direktori lavozimiga tayinlandi. Bu haqda Chorvachilikni rivojlantirish davlat qo‘mitasi matbuot xizmati xabar berdi.

Shuningdek, u bir vaqtning o‘zida Veterinariya va chorvachilikni rivojlantirish davlat qo‘mitasi raisining o‘rinbosari ham hisoblanadi.

Bunga qadar Baxtiyor Atamuradov “Xalq banki” boshqaruvi raisining o‘rinbosari lavozimida faoliyat yuritib kelayotgan edi.

Eslatib o‘tamiz, “O‘zbekchorvanasl” agentligining sobiq bosh direktori Abdurasul Abdullayev sentabr o‘rtalarida Ohangaron tumani hokimi etib tayinlangandi. Abdullayev ham bunga qadar “Xalq banki” boshqaruv kengashi raisi sifatida faoliyat yuritgan.