Italiya terma jamoasi bosh murabbiyi Roberto Manchinining koronavirusga topshirgan testi ijobiy xulosa berdi, deya xabar qilmoqda Italiya futbol federatsiyasi.
55 yoshli mutaxassisda kasallik alomatlari kuzatilmagan. U Rimdagi uyida izolyatsiyaga olingan.
Shu tariqa Manchini Italiya terma jamoasining noyabr oyidagi uchrashuvlarini o‘tkazib yuboradigan bo‘ldi.
Italiya 11-noyabr kuni Estoniyaga qarshi o‘rtoqlik uchrashuvida ishtirok etadi. Keyin esa Millatlar Ligasi doirasida Polsha (15-noyabr) hamda Bosniya va Gersegovina (18-noyabr) bilan o‘ynaydi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)