Boks bo‘yicha WBA yo‘nalishida ikkita divizion chempioni Jervonta Devis (24-0, 23 KO) YTH ishtirokchisiga aylandi va voqea joyidan yashiringan. Bu haqda CBS Baltimore xabar qilmoqda.
Voqea Baltimor (AQSh) vaqti bilan yarim tunda sodir bo‘lgan. Bir nechta avtomobil ishtirokida sodir bo‘lgan YTH joyiga politsiya chaqirilgan.
Qayd etilishicha, Lamborghini avtomobili qizil chiroqdan o‘tib ketgan va boshqa mashinaga borib urilgan. Shundan keyin aybdor voqea joyidan yashiringan.
Politsiya bayonnomasiga ko‘ra, bir necha kishi kichik tan jarohatini olgan, bir nafar jabrlanuvchi shifoxonaga olib borilgan.
Politsiya ismlarni oshkor qilmagan va Devisning boshqaruvda bo‘lganini ham tasdiqlamagan. Biroq manbada aytilishicha, bokschi voqea paytida avtomobilda bo‘lgan.
Eslatib o‘tamiz, Devis Toshkent vaqti bilan 1-noyabr tongida bo‘lib o‘tgan boks kechasida Leo Santa Krusni (37-2-1, 19 KO) dahshatli nokautga uchratgan holda raqibining kamarini tortib olgandi.
Devis — Santa Krus jangi videosini bu yerda tomosha qilish mumkin — Video.
Izoh (0)