UEFA Yevropa Ligasi 3-turining eng yaxshi futbolchisini aniqlash uchun o‘tkazilgan so‘rovnoma natijalarini e’lon qildi.
Unga ko‘ra, “Lill” yarim himoyachisi Yusuf Yaziji haftaning eng yaxshi o‘yinchisi nomiga loyiq ko‘rilgan. Turkiyalik futbolchi “Milan”ga qarshi o‘yinda (3:0) het-trik qayd etgandi.
Bu 23 yoshli futbolchi uchun Yevropa Ligasidagi ikkinchi het-trik bo‘ldi. Avvalroq Yaziji “Sparta”ga qarshi o‘yinda (4:1) ham uchta gol muallifiga aylangandi.
Ushbu nomga shuningdek, quyidagi futbolchilar da’vogarlik qilgandi:
- Andriya Jivkovich (PAOK) — PSVga qarshi o‘yinda (4:1) ikkita gol;
- Lukash Yulish (“Sparta”) — “Seltik”ga qarshi bahsda (4:1) uchta gol;
- Leon Beyli (“Bayer”) — “Xapoel”ga qarshi bellashuvda (4:2) ikkita gol.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)