БМТ Бош ассамблеяси Россия томонидан таклиф қилинган резолюцияни қабул қилди. Унга кўра, 8 ва 9 май кунлари Иккинчи жаҳон урушининг барча қурбонларини хотирлаш куни деб эълон қилинди. Бу ҳақда «ТАСС» хабар бермоқда.
Ҳужжат барча аъзо давлатларни, БМТ тизимидаги ташкилотларни, нодавлат ташкилотларни ва шахсларни ушбу кунларни Иккинчи жаҳон уруши қурбонларига ҳурмат сифатида муносиб нишонлашга чақирган.
Қарорда, шунингдек, уруш қурбонлари хотирасига бағишланган Бош Ассамблеянинг 2020 йил 1 декабрь куни махсус тантанали йиғилишини ўтказиш таклиф этилади.
Россиянинг БМТдаги доимий вакили ўринбосари Геннадий Кузмин тушунтиришича, Бош Ассамблея одатда май ойида уруш хотирасига бағишланган тантанали йиғилишлар ўтказган, аммо бу йил коронавирус пандемияси сабабли тадбир бекор қилинган. Шунинг учун Россия бундай учрашувни декабрда чақиришни таклиф қилди.
Шунингдек, резолюция матнида ҳужжат қоидаларини ташкилотнинг барча аъзо давлатлари эътиборига етказиш учун БМТ бош котибига мурожаат мавжуд.
Май ойида БМТ бош котиби Антонио Гутерреш ўз мурожаатида Иккинчи жаҳон уруши тугаган 1945 йилги сабоқларни эслашга чақирди. Унинг таъкидлашича, хотира ва ярашиш – 8 ва 9 май кунлари одамлар уруш пайтида ҳалок бўлган миллионлаб одамларга ҳурмат бажо келтиради. Шунингдек, у Холокост ва фашистлар томонидан содир этилган бошқа жиноятлар унутилмаслиги кераклигини қўшимча қилди.
Аввалроқ БМТ Қорабоғ туфайли Озарбайжонни огоҳлантиргани хабар қилинган эди.
Изоҳ (0)