Koronavirus oqibatida vafot etganlarning soni 1 milliondan oshgani bu hayratlanarli va dahshatli voqea. Bu haqda BMT Bosh kotibi Antoniu Guterrish aytib o‘tdi.
Antoniu Guterrish
Foto: BMT axborot xizmati
“Bizning dunyomiz dahshatli bosqichga erishdi: COVID-19 tufayli million kishini yo‘qotdik. Bu hayratlanarli raqam”, – dedi bosh kotib.
Guterresh statistika qarindoshlar, do‘stlar va hamkasblar bo‘lgan haqiqiy odamlar hayotidan iborat ekanligini unutmaslikni so‘radi.
“Shuncha ko‘p odam halok bo‘lganligi haqidagi xotira bizning kelajagimiz hamjihatlikka, odamlar va millatlarning birlashuviga bog‘liqligini hech qachon unutmasligimizga turtki bo‘lsin”, – dedi Guterrish.
Bosh kotib pandemiya og‘irligiga qaramay, insoniyat o‘z xatolaridan saboq olsa, ushbu qiyinchilikni yengib o‘tishiga ishonch bildirdi.
“Mas’uliyatli yetakchilik muhim ahamiyatga ega. Ilm-fan muhim ahamiyatga ega. Hamkorlik muhim”, – dedi tashkilot rahbari.
Guterrish koronavirusga qarshi profilaktika choralariga rioya qilishni davom ettirish zarurligiga ishora qildi.
Our world has reached an agonizing milestone: the loss of 1 million lives to #COVID19.
We must never lose sight of each & every life.
As the hunt for a vaccine — affordable and available to all — continues, let’s honour their memory by working together to defeat this virus. pic.twitter.com/iZ1UnN8d4i— António Guterres (@antonioguterres) September 29, 2020
Eslatib o‘tamiz, 29-sentabr kuni dunyo bo‘ylab koronavirusdan o‘lganlar soni 1 million kishidan oshdi. Jons Hopkins universiteti ma’lumotlariga ko‘ra, COVID-19 bilan kasallanganlarning umumiy soni 33,3 million kishiga yetdi. Kasalliklar soni bo‘yicha birinchi o‘rin hali ham AQSh (7,1 million kishi) egallab turibdi. Kuchli uchlikda Hindiston (6,1 million) va Braziliya (4,7 million) qayd etilgan.
Avvalroq JSST koronavirus bilan bog‘liq o‘lim holatlari rasmiy ma’lumotlardagidan ko‘proq ekanini ta’kidlagandi.
