O‘zbekiston Prezidentining tegishli qarori bilan Anvar Alimov sog‘liqni saqlash vazirining o‘rinbosari – Toshkent shahar sog‘liqni saqlash bosh boshqarmasi boshlig‘i etib tayinlandi. Bu haqda SSV matbuot xizmati xabar berdi.
Anvar Alimov bunga qadar akademik Yolqin To‘raqulov nomidagi Respublika ixtisoslashtirilgan endokrinologiya ilmiy-amaliy tibbiyot markazi direktori vazifasida ishlab kelayotgan edi.
Shuningdek, tibbiyot fanlari doktori, professor Anvar Alimov Toshkent pediatriya instituti rektori, O‘zbekiston sog‘liqni saqlash vazirining birinchi o‘rinbosari, sog‘liqni saqlash vaziri (2012—2016-yillar) singari mas’ul lavozimlarda ishlagan.
2020-yilda “O‘zbekiston Respublikasida xizmat ko‘rsatgan sog‘liqni saqlash xodimi” faxriy unvoni bilan taqdirlangan.
Avvalroq O‘zbekiston Prezidentining farmoni bilan Abduhakim Xojiboyev sog‘liqni saqlash vaziri etib tayinlangani to‘g‘risida xabar berilgandi. Xojiboyev 2020-yil 15-iyul kunidan beri sog‘liqni saqlash vaziri birinchi o‘rinbosari sifatida ishlayotgan edi.
2017-yilning fevralidan buyon sog‘liqni saqlash vaziri sifatida faoliyat yuritgan Alisher Shodmonov esa Toshkent tibbiyot akademiyasi rektori etib tayinlangan.
Izoh (0)