Ўзбекистон Президентининг тегишли қарори билан Анвар Алимов соғлиқни сақлаш вазирининг ўринбосари – Тошкент шаҳар соғлиқни сақлаш бош бошқармаси бошлиғи этиб тайинланди. Бу ҳақда ССВ матбуот хизмати хабар берди.
Анвар Алимов бунга қадар академик Ёлқин Тўрақулов номидаги Республика ихтисослаштирилган эндокринология илмий-амалий тиббиёт маркази директори вазифасида ишлаб келаётган эди.
Шунингдек, тиббиёт фанлари доктори, профессор Анвар Алимов Тошкент педиатрия институти ректори, Ўзбекистон соғлиқни сақлаш вазирининг биринчи ўринбосари, соғлиқни сақлаш вазири (2012—2016 йиллар) сингари масъул лавозимларда ишлаган.
2020 йилда «Ўзбекистон Республикасида хизмат кўрсатган соғлиқни сақлаш ходими» фахрий унвони билан тақдирланган.
Аввалроқ Ўзбекистон Президентининг фармони билан Абдуҳаким Хожибоев соғлиқни сақлаш вазири этиб тайинлангани тўғрисида хабар берилганди. Хожибоев 2020 йил 15 июль кунидан бери соғлиқни сақлаш вазири биринчи ўринбосари сифатида ишлаётган эди.
2017 йилнинг февралидан буён соғлиқни сақлаш вазири сифатида фаолият юритган Алишер Шодмонов эса Тошкент тиббиёт академияси ректори этиб тайинланган.
Изоҳ (0)