Hindistonda mamlakat aholisidan ko‘proq shakar iste’mol qilish so‘ralmoqda

Hindistonda juda ko‘p shakar ishlab chiqarilgani sabab mamlakat aholisidan ko‘proq shirinlik iste’mol qilish so‘raldi. Aholiga bu kabi murojaat bilan Hindiston shakar zavodlari assotsiatsiyasi chiqqan. Shuningdek, ishlab chiqaruvchi shakarning foydasi haqida so‘zlovchi maxsus kampaniyani ham boshlab yuborgan, deb xabar beradi BBC.

Qayd etilishicha, mamlakatning har bir aholisi yiliga o‘rtacha 19 kilogramm shahar iste’mol qiladi. Bu sayyora aholisining o‘rtacha ko‘rsatkichidan 4 kilogrammga kam demak.

Hindistondagi 50 millionga yaqin fermer shakarqamish yetishtirish bilan yana millionlab odam tegirmonlarda yoki shakarqamishni yetkazib berish bilan shug‘ullanadi. Hindiston shakar ishlab chiqarish bo‘yicha dunyoda ikkinchi o‘rinda turadi, biroq 2020-yilda shakar eksporti to‘xtab qolgani bois ishlab chiqaruvchilar shakarni mamlakat ichida sotish niyatida.

Endilikda hindlar shakarning foydasi, tarkibiga shirin mahsulotlar kiruvchi turli ovqatlar retsepti haqida so‘zlovchi dietolog va oshpazlarning axborot kampaniyasi domida qolmoqda.

“Shakar — organizm, miya va mushaklar uchun ozuqa manbai”, — deyiladi Hindiston shakar zavodlari assotsiatsiyasi xabarida.

Shu bilan birga, Jahon sog‘liqni saqlash tashkiloti shakarni me’yoridan ortiq iste’mol qilish sog‘liq uchun zararli ekanligidan ogohlantirmoqda.