Britaniyaning dam olish bog‘lari operatori Parkdean Resorts tipratikanlar uchun bog‘ning kichik versiyasini ochdi. Bu haqda Mirror xabar berdi, deb yozadi Esquire.
Qayd qilinishicha, bog‘ga xuddi odamlar uchun mo‘ljallangan bog‘ dizaynidagi singari to‘rtta kichik uycha, darvoza va ko‘cha fonarlari o‘rnatilgan. Parkdean Resorts britaniyaliklarni tashabbusga qo‘shilib, tipratikanlar uchun qishga shunday uylarni qurishga chaqirmoqda, deyiladi xabarda.
Odatda tipratikanlar noyabrdan aprelga qadar uxlaydi. Loyihadan ko‘zlangan maqsad 2020-yilda yo‘qolib ketish xavfi ostidagi turlar ro‘yxatiga kiritilgan tipratikanlarning qishki uyqusi uchun xavfsiz joy bo‘lishini ta’minlashdir.
https://youtu.be/El41bY1iMAM
Parkdean Resorts ma’lum qilgan tadqiqot natijalariga ko‘ra, Buyuk Britaniyada so‘nggi 68 yil ichida tipratikanlar soni 98 foizga kamaygan, ko‘pining o‘limiga qishki uyqu uchun xavfsiz joy topa olmasligi sabab bo‘ladi. Shu boisdan ham tashkilot Britaniya aholisi diqqatini tipratikanlarning yo‘q bo‘lib ketishiga qaratish, shuningdek, hayvonlarni asrashga chaqirishga qaror qilgan.
Izoh (0)