Futbol bo‘yicha Yevropa Chempionlar Ligasining A va B guruhlarida 3-noyabr, seshanba kuni 3-tur uchrashuvlari o‘tkazildi.
“Bavariya” safarda “Zalsburg” bilan o‘ynadi. Uchrashuvning 4-daqiqasida maydon egalari Mergim Berishaning golidan keyin oldinga o‘tib oldi. 21-daqiqada Robert Levandovski penaltini aniq amalga oshirib, muvozanatni tikladi. Bo‘lim so‘nggida mehmonlar ikkinchi to‘pni kiritishga muvaffaq bo‘ldi.
66-daqiqada Masaya Okugava mezbonlarning ikkinchi golini urdi. Biroq myunxenliklar o‘yin so‘ngida bunga to‘rtta to‘p bilan javob qaytardi. Jerom Boateng, Leroy Sane, Levandovski va Lyuka Ernandesning gollari nemislarga yirik hisobdagi g‘alabani taqdim etdi.
Guruhning ikkinchi o‘yini “Lokomotiv Moskva” va “Atletiko” o‘rtasida kechdi. Unda 1:1 hisobidagi durang qayd etildi.
A guruhida 3-turdan keyingi holat:
- “Bavariya” — 9 ochko
- “Atletiko” — 4
- “Lokomotiv” — 2
- “Zalsburg” — 1
Oradan ikki daqiqa o‘tib milanliklar hisobni qisqartirishga erishdi: Nikolo Barellaning chiroyli uzatmasidan keyin Lautaro Martines vaziyatni muvaffaqiyatli yakunladi. 68-daqiqada Ivan Perishich muvozanatni tikladi. 80-daqiqaga kelib Rodrigo madridliklarga g‘alaba keltirgan golga muallif bo‘ldi.
Guruhning yana bir o‘yini biroz avval o‘tkazildi va unda “Borussiya M” safarda “Shaxtyor”ni yirik hisobda yengdi (6:0).
B guruhida 3-turdan keyingi holat quyidagi ko‘rinish oldi:
- “Borussiya M” — 5 ochko
- “Shaxtyor” — 4
- “Real” — 4
- “Inter” — 2
YChL
3-tur bahslari
3-noyabr, seshanba
A guruhi
“Zalsburg” Avstriya — “Bavariya” Germaniya 2:6
Gollar: 1:0 – 4 Berisha, 1:1 – 21, penalti Levandovski, 1:2 – 44, avtogol Kristensen, 2:2 – 66 Okugava, 2:3 – 79 Boateng, 2:4 – 83 Sane, 2:5 – 88 Levandovski, 2:6 – 90+2 Lyuka Ernandes.“Zalsburg”: Stankovich, Kristensen, Ramalo, Veber, Ulmer, Soboslai, Mvepu, Kamara, Yunuzovich (Okugava, 65), Berisha (Ongene, 76), Koyta (Okafor, 65).
“Bavariya”: Noyer, Boateng, Lyuka Ernandes, Pavar (Sarr, 74), Alaba, Gnabri (Duglas Kosta, 90), Tolisso (Xavi Martines, 74), Myuller (Musiala, 90), Kimmix, Koman (Sane, 75), Levandovski.
Ogohlantirishlar: Pavar (23), Kamara (53), Gnabri (68), Mvepu (85).
“Lokomotiv” Rossiya — “Atletiko” Ispaniya 1:1
Gollar: 0:1 – 18 Ximenes, 1:1 – 25, penalti Miranchuk.B guruhi
“Real Madrid” Ispaniya — “Inter” Italiya 3:2
Gollar: 1:0 – 25 Benzema, 2:0 – 33 Ramos, 2:1 – 35 Martines, 2:2 – 68 Perishich, 3:2 – 80 Rodrigo.“Real Madrid”: Kurtua, Mendi, Varan, Ramos, Vaskes, Valverde, Kroos (Modrich, 78), Asensio (Rodrigo, 64), Kazemiro, Azar (Vinisius Junior, 64), Benzema.
“Inter”: Handanovich, Yang, de Vrey, D`Ambrozio, Hakimi, Barella (Galyardini, 78), Vidal (Nainggolan, 87), Perishich (Sanches, 78), Brozovich, Bastoni, Martines.
Ogohlantirishlar: Vidal (44), Mendi (48), Brozovich (51), Valverde (62), Barella (72), Kazemiro (85), Kurtua (90).
“Shaxtyor” Ukraina — “Borussiya M” Germaniya 0:6
Gollar: :1 – 8 Plea, 0:2 – 17, avtogol Bondar, 0:3 – 26 Plea, 0:4 – 44 Bensebayni, 0:5 – 65 Shtindl, 0:6 – 78 Plea.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)