Toshkent shahar Sergeli tumanida 1981-yilda tug‘ilgan ayol ko‘p qavatli uyning to‘rtinchi qavatidan o‘zini tashlab joniga qasd qildi va voqea joyida vafot etdi. Bu haqda “Zo‘r TV” telekanalining “Bu kun” axborot dasturi xabar berdi.
Ma’lum qilinishicha, voqea 3-noyabr kuni soat 22:30 da yuz bergan. Ayol ko‘p qavatli uyning ikkinchi qavatida yashashiga qaramasdan, uyiga qaytgach binoning to‘rtinchi qavatiga ko‘tarilgan, yo‘lakda joylashgan derazani ochib, o‘zini pastga tashlagan.
Qo‘shnilardan birining so‘zlariga ko‘ra, u mazkur ayol bilan oxirgi marta gaplashganda ayol kiyim do‘konida xizmatchi bo‘lib ishlayotganini aytgan. Mahalla raisining aytishicha, ayol yolg‘iz yashagan, u bilan o‘tkazilgan suhbatlarda ayol biror muammosi borligi haqida aytmagan.
Izoh (0)