Профессионал бокснинг енгил вазн тоифасида (-53,5 кг) рингга чиқаётган япониялик енгилмас боксчи Наоя Иноуэ (20-0, 17 КО) ўзининг навбатдаги жангини 1 ноябрь, якшанба тонгида австралиялик Жейсон Молоунига қарши ўтказди.
Жанг тўлалигича Наоянинг устунлигида ўтди. Иноуэ 6-раундда австралиялик рақибини нокдаун ҳолатига тушириб қўйди. 7-раундда эса япон боксчисининг ўнг қўлда берган кучли зарбасидан сўнг Молоуни нокаут ҳолатига тушди.
Шу тариқа Иноуэ фаолиятидаги 20-жангдаги 20-ғалабасини қўлга киритди. У мазкур жангларнинг 17 тасида рақибларини нокаутга учратган.
Иноуэ ушбу жанг орқали WBA Super ҳамда IBF чемпионлик камарларини ҳимоя қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)