Ўзбекистонда Коронавирусга қарши кураш штаби аъзоси Барно Абдусаматова 31 октябрь куни АОКАда ўтказилган брифингда коронавирусдан даволанган беморларда ҳид ва таъм билиш қачон қайтиши ҳақидаги саволга жавоб бериб ўтди.
Таъм ва ҳид билиш қачон қайтиши борасидаги саволга аниқ жавоб йўқ. Барчаси жуда индивидуал. COVID-19’да вирус асаб тизими, жумладан, ҳид ва таъмга жавоб берадиган қисмларига ҳам зарар етказиши мумкин. Айрим беморларда ушбу сезгилар соғайганларидан сўнг жуда тез тикланади, бироқ бошқаларида бир неча ойга чўзилмоқда.Бундан ташқари, мутахассис бир қатор беморлар ёқимсиз ҳидларни сезиш ёки соғайгандан кейин ҳар хил ноодатий таъмларни сезиш кабилардан шикоят қилишаётганини билдирган.Барно Абдусаматова, Коронавирусга қарши кураш штаби аъзоси
«Бироз сабр қилиб, зарарланган асаб толаларининг тикланишини кутиш лозим», — дейди Абдусаматова.
Эслатиб ўтамиз, аввалроқ Коронавирусга қарши курашиш штабининг яна бир аъзоси Наргиза Нуруллаева коронавируснинг энг кўп учрайдиган белгиларини фоизлар нисбатида маълум қилган, вируснинг бошқа шамоллаш ва ўткир респиратор касалликлардан фарқли бўлган жиҳатлари ва эрта пайдо бўладиган аломати ҳақида айтган эди.
Мавзуга доир:
- Коронавируснинг илк аломатлари кузатилаётган беморларга босқичма-босқич кўрсатма
- Коронавирусга чалинган инсонда қанча вақтгача касалликнинг юқиш хавфи сақланиб қолади?
- Коронавирусни шамоллаш ва гриппдан қандай фарқлаш мумкин?
- Коронавирус, ОРВИ ва гриппнинг олдини олиш учун оддий, аммо ҳамма билиши керак бўлган 11 тавсия
- Инсон коронавирусни бошдан кечириб, буни ўзи сезмай қолиши мумкинми?
Изоҳ (0)