Boks bo‘yicha mutlaq og‘ir vazn toifasida sobiq Jahon chempioni Mayk Tayson va to‘rtta vazn toifasi sobiq chempioni Roy Jons o‘rtasidagi ko‘rgazmali jang g‘olibi WBC Frontline Battle Belt kamarini qo‘lga kiritadi, deya xabar qildi jurnalist Ariel Helvani.
Avvalroq mazkur jangning sakkiz raunddan iborat bo‘lishi va har bir raund ikki daqiqadan davom etishi haqida xabar berilgandi.
Eslatib o‘tamiz, afsonaviy bokschilar o‘rtasidagi jang 28-noyabr kuni bo‘lib o‘tadi.
Ma’lumot uchun, Roy Jons professional boksda 75 ta jang o‘tkazib, 66 g‘alabaga (47 tasi nokaut) erishgan va to‘qqiz bor mag‘lub bo‘lgan.
Mayk Tayson esa professional boksda 58 ta jang o‘tkazib, ularning 50 tasida g‘alaba qozongan. 44 ta jangda raqiblarini nokautga uchratgan. Oltita jangda mag‘lub bo‘lgan. Ikkita jangi esa hisoblanmagan.
Izoh (0)