Бокс бўйича мутлақ оғир вазн тоифасида собиқ Жаҳон чемпиони Майк Тайсон ва тўртта вазн тоифаси собиқ чемпиони Рой Жонс ўртасидаги кўргазмали жанг ғолиби WBC Frontline Battle Belt камарини қўлга киритади, дея хабар қилди журналист Ариэл Ҳелвани.
Аввалроқ мазкур жангнинг саккиз раунддан иборат бўлиши ва ҳар бир раунд икки дақиқадан давом этиши ҳақида хабар берилганди.
Эслатиб ўтамиз, афсонавий боксчилар ўртасидаги жанг 28 ноябрь куни бўлиб ўтади.
Маълумот учун, Рой Жонс профессионал боксда 75 та жанг ўтказиб, 66 ғалабага (47 таси нокаут) эришган ва тўққиз бор мағлуб бўлган.
Майк Тайсон эса профессионал боксда 58 та жанг ўтказиб, уларнинг 50 тасида ғалаба қозонган. 44 та жангда рақибларини нокаутга учратган. Олтита жангда мағлуб бўлган. Иккита жанги эса ҳисобланмаган.
Изоҳ (0)