“Real” himoyachisi Serxio Ramos UEFA Chempionlar Ligasida e’tiborga molik statistik natija qayd etdi.
Musobaqa guruh bosqichi doirasida o‘tkazilgan “Borussiya M” — “Real” uchrashuvi Ramos uchun 16-mavsumdagi o‘yin bo‘ldi. Shu tariqa himoyachi “Real” va Ispaniya termasidagi sobiq jamoadoshi Iker Kasilyasning rekordini takrorladi.
Serxio Ramos “Real” safida Chempionlar Ligasining 16 mavsumida jami 125 uchrashuv o‘tkazgan bo‘lsa, Kasilyasning hisobida 150 o‘yin bor. Ammo Yevropaning eng nufuzli futbol turnirida qo‘lga kiritilgan sovrinlar soni bo‘yicha Ramos “qaymoqranglilar”ning sobiq darvozabonidan oldinda (3 ga 4).
Eslatib o‘tamiz, Ramos guruh bosqichining 1-turi doirasida o‘tkazilgan “Shaxtyor”ga qarshi bahsni (2:3) jarohati tufayli o‘tkazib yuborgan edi.
Izoh (0)