Andijon viloyatining Jalaquduq tumanida yashovchi fuqaro X.B. ikki nafar voyaga yetmagan farzandining moddiy ta’minoti uchun undirilishi belgilangan aliment o‘rniga namunaviy uy sovg‘a qildi, deya xabar berdi “Daryo” muxbiri.
MIB Andijon viloyat boshqarmasi matbuot xizmatining ma’lum qilishicha, fuqarolik ishlari bo‘yicha Xo‘jaobod tumanlararo sudining 2020-yil 11-avgustdagi ijro hujjatiga asosan Jalaquduq tumanida yashovchi qarzdor X.B.dan undiruvchi B.M. foydasiga ikki nafar voyaga yetmagan farzandining moddiy ta’minoti uchun aliment undirilishi belgilangan.
Shu kungacha fuqaro X.B. aliment to‘lovlarini o‘z vaqtida to‘lab kelgan. Kuni kecha ushbu fuqaro aliment to‘lovlaridan qarzi mavjud bo‘lmasa-da, sobiq turmush o‘rtog‘i B.M. bilan kelishgan holda ikki nafar farzandining kelajagi uchun farzandlarining voyaga yetguniga qadar to‘lanadigan aliment pullari evaziga tumanning Oyim shaharchasida joylashgan namunaviy xonadonlardan birini olib bergan. Uy kalitini MIB tuman bo‘limi xodimlari ishtirokida topshirgan.
Mavzuga doir:
- Namanganda aliment to‘lamaslik uchun xotinini bo‘g‘ib o‘ldirgan erkakka sud hukmi o‘qildi (video)
- Buxorolik erkak ikki xotiniga birdaniga 810 mln so‘mdan ortiq alimentni oldindan to‘lab berdi
- Qashqadaryoda 4 nafar farzandi uchun aliment to‘lovchi ota Damas’ini sobiq xotinining nomiga rasmiylashtirib berdi
Izoh (0)