Uy-joy kommunal xizmat ko‘rsatish vazirligi “Issiqlik ta’minoti to‘g‘risida”gi qayta ishlangan qonun loyihasini muhokamaga qo‘ydi.
Norma’ning yozishicha, “Ko‘p joylari to‘ldirilgan va tuzatilgan, biroq iste’molchilarning hamma takliflari ham inobatga olinmagan”. Avvalroq nashr loyihaning eski versiyasi sharhini e’lon qilgandi.
Loyihaning yangi variantida yozilishicha, iste’molchilar boshqa issiqlik ta’minoti tashkilotlari bilan mustaqil ravishda shartnoma tuzishlari mumkin. Shu bilan birga, kollektiv issiqlik ta’minoti tizimida issiqlik energiyasi iste’molchisi хonaning bir qismini issiqlik ta’minoti tizimidan uzib qo‘yishga haqli emasligi to‘g‘risidagi norma qoldirilgan.
“Ushbu normalar ma’nosi jihatdan ziddiyatli va issiqlik ta’minoti tashkilotiga monopol holatni beradi, aholining muayyan qismini manfaatsiz holatga qo‘yadi. Kvartira egasi o‘z хonasida issiqlik yo‘qotilishini kamaytiruvchi va energiyani tejovchi zamonaviy isituvchi uskunalarni o‘rnata olmaydi, XUMSh esa bunday shart-sharoitlarda o‘zining qozonхonasini qurishga qaror qilishi amri maholdir”, — deyiladi sharhda.
Hujjat loyihasiga muvofiq, issiqlik ta’minotini rivojlantirish bo‘yicha davlat siyosatining asosiy yo‘nalishlari quyidagilarni o‘z ichiga oladi: shahar va aholi punktlarini issiqlik bilan ta’minlash sxemalarini ishlab chiqish va amalga oshirish, zamonaviy issiqlik tarmoqlarini joriy etish, qayta tiklanadigan manbalardan foydalanish va davlat-xususiy sheriklik aloqalarini rivojlantirish hisobiga energiya sarfini kamaytirish.
Qonun loyihasida issiqlik ta’minoti jarayonining barcha ishtirokchilari — iste’molchilar, issiqlik ta’minoti tashkilotlari, davlat va mahalliy hokimiyatlarning shartnoma talablarini bajarish javobgarligi, huquqlari va majburiyatlariga izoh berilgan. Shuningdek, hujjatda, issiqlik ta’minoti tariflarini shakllantirish va iste’molchilar tomonidan issiqlik yo‘qotishlarini kamaytirishni rag‘batlantirish to‘g‘risidagi ma’lumotlarning shaffofligi kabi normalar keltirib o‘tilgan.
Izoh (0)