Prezident Shavkat Mirziyoyev 26-oktabr kuni Nukus shahrining markaziy qismida amalga oshiriladigan qurilish sohasiga oid loyihalar taqdimoti bilan tanishdi. Bu haqda Prezident matbuot xizmati xabar berdi.
2-oktabr kuni Qoraqalpog‘istonga safar chog‘ida Shavkat Mirziyoyev Nukus shahrini obodonlashtirish, aholining dam olishi uchun sharoitlarni kengaytirish bo‘yicha ko‘rsatmalar bergan edi.
Nukusning markazini qayta qurish loyihasi taqdimotini Toshkent shahar hokimi Jahongir Ortiqxo‘jayev o‘tkazgan. Xususan, shahar ko‘chalarini kengaytirish va ko‘kalamzorlashtirish, ko‘l va bog‘lar bunyod etish, savdo nuqtalari va yirik marketlar, turar joy binolari, IT-parklarni ko‘paytirish rejalashtirilmoqda.
Eslatib o‘tamiz, 6-oktabr kuni Jahongir Ortiqxo‘jayev Qoraqalpog‘istonga amalga oshirgan tashrifi davomida Nukus hokimiga “Istiqlol” bog‘ini obodonlashtirish va bezash loyihasi hamda ko‘lda musiqali fontan yaratish bo‘yicha o‘z fikrini bildirib, tajribasi bilan bo‘lishgandi.
Izoh (0)