Samarqand shahar sanitariya-epidemiologik osoyishtalik va jamoat salomatligi markazi bosh shifokori Pirmuhammad Mahmudov 49 yoshida vafot etdi. Bu haqda “Daryo”ga shahar hokimligi axborot xizmati ma’lum qildi.
Xabar berilishicha, markaz bosh shifokori 27-oktabr kuni vafot etgan.
Marhum Pirmuhammad Mahmudov 1971-yilda Samarqand viloyatining Qo‘shrabod tumanida tug‘ilgan bo‘lib, 1994-yilda Toshkent tibbiyot institutini tamomlagan.
2004-yildan boshlab Samarqand shahar sanitariya-epidemiologik osoyishtalik va jamoat salomatligi markazida vrach-epidemiolog, bosh vrach o‘rinbosari, 2018-yildan boshlab esa bosh shifokor vazifasida ishlab kelgan.
Eslatib o‘tamiz, avvalroq AOKAning Andijon viloyatidagi mas’uli, viloyat axborot va ommaviy kommunikatsiyalar boshqarmasi boshlig‘i Abdug‘ulom Sultonov vafot etgani, ammo vafoti sababi ma’lum qilinmagani haqida xabar berilgandi.
Izoh (0)