“Tottenhem” Premyer Liga 6-turida “Byornli” maydonida g‘alabaga erishdi (0:1).
Uchrashuvdagi yagona gol 76-daqiqada Son Hyon Min tomonidan urildi. Unga golli uzatmani Harri Keyn amalga oshirib berdi.
Angliyalik hujumchi Premyer Liga 2020/21-yilgi mavsumida jamoasining 13 ta golida qatnashdi — 5 gol va 8 ta golli uzatma.
Shu tariqa Harri Keyn Premyer Liga mavsumi avvalidagi 6 turda eng ko‘p golda qatnashgan futbolchiga aylandi. Keyn bu borada Tyerri Anri (2004/05) va Fransesk Fabregasning (2009/10) natijasini (12) ortda qoldirdi.
Joze Mourinyo shogirdlari ortda qolgan olti turda jami 16 ta gol urishga erishdi. Bu hozircha ligadagi eng yaxshi natija bo‘lib turibdi. Shuningdek, jamoa hujumchisi Son Hyon Min 8 ta gol bilan to‘purarlar ro‘yxatida yetakchilik qilmoqda. Solishtirish uchun butun boshli “Arsenal” (8) koreyalik futbolchi bilan bir xil miqdorda to‘p kiritgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)