Yengil vazn toifasida UFC chempioni Habib Nurmagomedovning murabbiyi Xavyer Mendes shogirdining faoliyatini yakunlashi haqidagi qaroriga o‘z munosabatini bildirdi.
“Barcha davrlarning buyuk jangchisi bilan xayrlashamiz va buyuk murabbiyni qarshi olamiz. U yangi chempionlarni tarbiyalash uchun menga qo‘shildi”, — deya yozadi Mendes o‘z Instagram sahifasida.
O‘z navbatida Habib murabbiyning bu gaplariga javob qaytardi.
“Bizda yosh avlod o‘sib kelmoqda. Tez orada yana cho‘qqiga qaytamiz. Senga yordam berishni istaymanmi? Men senga yordam beraman. Necha yildan beri senga yordam berib kelaman, murabbiy”, — deya javob qildi Habib.
24-oktabr kuni Abu-Dabidagi (BAA) “Jangchilar oroli”da bo‘lib o‘tgan UFC 254 asosiy jangida Habib Nurmagomedov va Jastin Getji o‘zaro to‘qnash keldi. Unda rossiyalik sportchi ikkinchi raundda raqibiga bo‘g‘ish usulini qo‘llab g‘alaba qozondi. Jangdan keyin Habib faoliyatini yakunlashini ma’lum qildi.
UFC 254 musobaqasi barcha janglarini bu yerda tomosha qilish mumkin — video.
Mavzuga doir:
- Ali Abdulaziz: “Habib ko‘plab insonlar hayotini yaxshi tomonga o‘zgartirdi, Getji esa barchaning orzusidagi o‘g‘il”
- Habib Nurmagomedov faoliyatini qayta davom ettirishi mumkinmi? UFC prezidenti javob berdi
- Jastin Getjiga qarshi jangdan oldin Habib Nurmagomedovning tepki kasalligiga chalingani ma’lum bo‘ldi
Izoh (0)