Yengil vazn toifasida UFC vaqtinchalik chempioni Jastin Getjining murabbiyi Trevor Vittman shogirdining amaldagi chempion Habib Nurmagomedovga qarshi jangi haqidagi fikrlari bilan o‘rtoqlashdi.
“Getjining butun faoliyati mobaynida oldinda bizni chempionlik jangi kutayotganidan kelib chiqib janglar rejasini tuzganman. Biz avval boshdanoq chempionlik jangi uchun bazani boyitib kelganmiz. O‘ylashimcha, biz shu kunga qadar eng muhim qurolimizni yashirishga muvaffaq bo‘ldik, chunki Getji juda yaxshi kurashchi va o‘ziga xos xususiyatga ega. Avvallari u atayin kurashni ishlatmagan, sababi o‘zining salohiyatini to‘liq namoyish qilmagan jangchiga qarshi reja tuzish juda qiyin.
Bu gaplarim biz Habibga qarshi kurash usullari orqali jang qilmoqchi ekanimizni anglatmaydi. Kurash — bizda bor imkoniyatlarni bir qismi, xolos. Bu oktagonga chiqish va dunyoning eng kuchli jangchisini mag‘lub etish imkoniyati va men Jastinni bunga uzoq vaqtdan beri tayyorlab kelaman”, — deydi Vittman.
Eslatib o‘tamiz, Getji sportdagi faoliyatini erkin kurashda boshlagan va ikki marta Arizona shtati chempionligini qo‘lga kiritgan.
Mavzuga doir:
Qayd etish joiz, UFC 254 musobaqasining asosiy kardida o‘zbekistonlik Liliya Shokirova ham ishtirok etadi. Ushbu musobaqani bu yerda tomosha qilish mumkin — havola.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)