Futbol bo‘yicha Coca-Cola Superliga 20-turida “Lokomotiv” 23-oktabr, juma kuni “Qizilqum” maydoniga safar qildi.
Birinchi bo‘lim yakunlanishi arafasida maydon egalari penalti tepish imkoniyatiga ega bo‘ldi. 11 metrlik jarima zarbasini Oybek Qilichev muvaffaqiyatli ijro etdi.
Ikkinchi bo‘lim ham teng kurashlar ostida boshlandi, bo‘lim oxiriga borib “temiryo‘lchilar” bosimni oshirdi. Hujumlardan biri 78-daqiqaga kelib o‘z samarasini berdi: Temurxo‘ja Abduxoliqov o‘zining aniq zarbasi bilan muvozanatni tikladi.
20-turdan keyin “Lokomotiv” 26 ochko bilan 7-o‘rinda bormoqda, “Qizilqum” (18) 11-pog‘onadan joy olgan.
“Qizilqum” keyingi turda “Andijon” maydoniga safar qilsa, “Lokomotiv” jamoasi “Surxon”ga qarshi bahs yuritadi.
Coca-Cola Superliga
20-tur bahsi
23-oktabr, juma
“Qizilqum” — “Lokomotiv” 1:1
Gollar: 1:0 – 45, penalti Qilichev, 1:1 – 78 Abduxoliqov.“Qizilqum”: Ignatiy Nesterov, Vladislav Kasminin, Erkin Boydullayev, Oybek Qilichev, Ruslan Margiyev (Jasur Azimov, 71), Alisher Sanoyev, Salim Mustafoyev, Sherali Jo‘rayev, Ibrohim Tomiva, Oleg Tolmasov, Jamshid Hasanov.
“Lokomotiv”: Javohir Ilyosov, Jahongir Abdumo‘minov, Slavko Damyanovich, Kirill Pogrebnyak (Javohir Alijonov, 70), Marat Bikmayev (Azizbek Amonov, 51), Temurxo‘ja Abduxoliqov, G‘ulom Haydar G‘ulomov, Dilshodjon Komilov, Sherzod Fayziyev, Jaloliddin Jumaboyev, Diyorjon Turopov.
Ogohlantirishlar: Abdumo‘minov (44), Boydullayev (81).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)