Енгил вазн тоифасида UFC вақтинчалик чемпиони Жастин Гэтжининг мураббийи Тревор Виттман шогирдининг амалдаги чемпион Ҳабиб Нурмагомедовга қарши жанги ҳақидаги фикрлари билан ўртоқлашди.
«Гэтжининг бутун фаолияти мобайнида олдинда бизни чемпионлик жанги кутаётганидан келиб чиқиб жанглар режасини тузганман. Биз аввал бошданоқ чемпионлик жанги учун базани бойитиб келганмиз. Ўйлашимча, биз шу кунга қадар энг муҳим қуролимизни яширишга муваффақ бўлдик, чунки Гэтжи жуда яхши курашчи ва ўзига хос хусусиятга эга. Авваллари у атайин курашни ишлатмаган, сабаби ўзининг салоҳиятини тўлиқ намойиш қилмаган жангчига қарши режа тузиш жуда қийин.
Бу гапларим биз Ҳабибга қарши кураш усуллари орқали жанг қилмоқчи эканимизни англатмайди. Кураш — бизда бор имкониятларни бир қисми, холос. Бу октагонга чиқиш ва дунёнинг энг кучли жангчисини мағлуб этиш имконияти ва мен Жастинни бунга узоқ вақтдан бери тайёрлаб келаман», — дейди Виттман.
Эслатиб ўтамиз, Гэтжи спортдаги фаолиятини эркин курашда бошлаган ва икки марта Аризона штати чемпионлигини қўлга киритган.
Мавзуга доир:
Қайд этиш жоиз, UFC 254 мусобақасининг асосий кардида ўзбекистонлик Лилия Шокирова ҳам иштирок этади. Ушбу мусобақани бу ерда томоша қилиш мумкин — ҳавола.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)