Acer kompaniyasi hayratda qoldirishda davom etmoqda: har qanday vazifani bajarishga tayyor yengil, ammo kuchli noutbuklar

Foydali yangiliklar orasida — antibakterial shisha ekranlar, Intel® Core ™ i7 11-avlod protsessori va avtosportda ishlatiladigan uglerod tolasidan foydalanish orqali oshirilgan quvvatni sanab o‘tish lozim.

2020-yilning 21-oktabr kuni Acer’ning ikkinchi Global onlayn konferensiyasi bo‘lib o‘tdi. Kompaniya pandemiya davrida ishlash, ta’lim olish hamda oila va do‘stlar bilan aloqada qolishga yordam beradigan mahsulotlarni taqdim etdi. Mahsulot liniyalari bugungi kundagi ijtimoiy masofa, masofaviy ish va onlayn ta’lim odatiy holga aylangan talablariga muvofiq ishlab chiqilgan.

Asosiy yangilik — Porsche Design bilan hamkorlikdir

Konferensiyaning bosh yangiligi — premium noutbuk Porsche Design Acer Book RS’ning taqdimoti bo‘ldi. U kichik hajmliligi, ammo ko‘zni qamashtiradigan dizayni va tengsiz kuchga egaligi bilan boshqalaridan farq qiladi. Kumushrang va to‘laligicha metalldan ishlangan korpus yengil va chidamliligi uchun sport avtomobillari ishlab chiqaruvchilari tomonidan qadrlanadigan uglerod tolasi qatlami bilan himoyalangan. Ichiga so‘nggi 11-avlod Intel® Core ™ i7 protsessorlari o‘rnatilgan. Porsche Design Acer Book RS g‘oyatda ixchamdir, uning vazni 1,25 kg, qalinligi esa 15.99 mm. 14 dyuymli sensorli ekran kumush ionli antibakterial shisha qatlami bilan qoplangan.

“Intel Evo eng yaxshi noutbuklarni tasdiqlaydi va talablarni insonlar kutganidan-da yuqori darajaga ko‘taradi. Porsche Design Acer RS ​​yuqori samaradorligi, tezkor javob qaytarish va uzoq muddatli avtonom ishlashi bo‘yicha tasdiqlangan va optimallashtirilgan”, — dedi Intel vitse-prezidenti Kris Uoker.

Porsche Design Acer Book RS 15—17 soat mobaynida avtonom ishlash muddatini qo‘llab-quvvatlaydi, shuningdek, 30 daqiqali quvvat olgandan keyin 4 soat davomida ishlashga qodir.

Ishchi noutbuklarning yangilanishi: portativlik va funksionallik

Acer o‘zining Swift, Spin va Aspire mahsulotlarini yangiladi. Ularga 11-avlod Intel® Core ™ protsessorlari va Intel® Iris® Xe grafikalari o‘rnatildi.

• Swift 3X ingichka, yengil va unumli.

Swift ijodiy kasb mutaxassislar (fotograflar, blogerlar) uchun mos keladi. Noutbukning og‘irligi 1,3 kg ni tashkil qiladi va 17,5 soatgacha katta hajmli resursga ega ilovalar bilan ishlashi mumkin. Yo‘lda ishlash uchun qulay.

• Acer Spin 5 egiluvchan va o‘ta ingichka.

Maksimal darajadagi unumdorlikka intiluvchilar uchun mo‘ljallangan noutbuk. Uning vazni atigi 1,2 kg va qalinligi 14,9 mm ni tashkil etadi. Acer Spin’ni planshet holatiga keltirish uchun sharnir (oshiq-moshiq) 360 ​​darajaga burila oladi. Sensorli ekran antibakterial shisha bilan himoyalangan. Klaviatura va tachpadga antibakterial qoplamani qo‘llash imkoniyati ham mavjud bo‘lib, uning samaradorligi ISO 22196 xalqaro standarti bilan tasdiqlangan. Avtonom ishlash vaqti 15 soatgacha.

• Acer Aspire 5 - unumli va funksional.

Eng so‘nggi protsessorlar ushbu turdagi mahsulotlardan foydalanuvchilarga bir vaqtning o‘zida bir nechta vazifalarni bajarishga imkon beradi, ikki diapazonli Wi-Fi 6 Wi-Fi 5 ga nisbatan o‘rtacha tarmoq o‘tkazuvchanligini 3 baravarga oshiradi.

TravelMate harbiy chidamlilik standartiga mos keladi

TravelMate mahsulotlar qatorida ofisdan tashqarida ishlash uchun 3 ta yangi model paydo bo‘ldi. Noutbuklarda eSIM’ni qo‘llab-quvvatlovchi 4G LTE modem o‘rnatilgan bo‘lib, sayohatchilar to‘g‘ridan to‘g‘ri mahalliy tarmoqlarga ulana oladilar. 11-avlod Intel® Core™ protsessorlarida ishlaydigan noutbuklar AQShning MIL-STD-810 harbiy chidamlilik standartlariga mos keladi, ular suv o‘tkazmaydigan klaviatura, shuningdek, urilish va tushib ketish holatlarida zarba kuchini yumshatadigan amortizatsiyalovchi burchaklar bilan ta’minlangan. Og‘irligi 1,3 dan 1,625 kg gachani tashkil etadi, qalinligi 20 mm dan kamroq.

Professional kontent yaratuvchilar uchun ConceptD

Professionallar uchun ConceptD liniyasi yangi ConceptD 300 Mid-Tower Creator bilan to‘ldirildi. Ushbu kichik, ammo kuchli noutbuk me’moriy loyihalashtirish (BIM, CAD), 3D modellashtirish, rendering va animatsiya uchun mo‘ljallangan. Barcha ConceptD liniyasi 10-avlod Intel® Core ™ protsessorlari bilan jihozlangan va ranglar uzatilishining yuqori aniqligi bilan farq qiladi.

Shuningdek, onlayn-konferensiyada Acer Predator va Nitro o‘yin monitorlarining kengaytirilgan qatori, Planet9 kiber sport platformasi va simsiz proyektorlarning yangilangan namunalarini namoyish qildi.

Acer 2020 global anjumanini YouTube’da tomosha qiling.

Reklama huquqi asosida