DXX Samarqand viloyati boshqarmasi hamda Samarqand shahri bo‘yicha IIO FMB xodimlari bilan hamkorlikda o‘tkazilgan tezkor tadbirda pul tikib xo‘roz urishtirish uchun tuzilgan yashirin “arena” faoliyatiga chek qo‘yildi. Bu haqda “Daryo”ga viloyat IIB axborot xizmati ma’lum qildi.
Tezkor tadbirda Samarqand shahrining Bulung‘ur ko‘chasida yashovchi 1972-yilda tug‘ilgan Sh.A. shaharning Minsk ko‘chasida joylashgan uylarning birida arena ko‘rinishida joy tashkil qilib, xo‘rozlarni pul evaziga urishtirib, qimor o‘yini tashkil qilganligi aniqlangan.
Surishtiruv davomida 13 nafar fuqaro o‘zlariga tegishli bo‘lgan xo‘rozlarini urishtirish maqsadida olib kelganligi aniqlanib, belgilangan tartibda rasmiylashtirilgan.
IIB xodimlari tomonidan tadbir davomida xo‘roz urishtirish tomoshasiga kelgan 476 nafar fuqaroning shaxsi aniqlanib, ularning jinoyatga aloqadorligi tekshirilgan va ushbu shaxslarga tegishli 132 ta transport vositasining hujjatlari ko‘zdan kechirilgan.
Holat yuzasidan Samarqand shahri bo‘yicha IIO FMB tomonidan surishtiruv ishlari olib borilmoqda.
Izoh (0)