Rossiyada so‘nggi sutkada 15 982 kishida koronavirus qayd etildi, deb xabar bermoqda Meduza koronavirusga qarshi kurash bo‘yicha tezkor shtabga tayanib.
Sutka davomida aniqlangan kasallanishlar soni bo‘yicha Moskva (5376), Sankt-Peterburg (686), Moskva viloyati (466) yetakchilik qilmoqda. Mamlakat bo‘ylab kasallanganlarning umumiy soni esa 1 415 316 kishiga yetgan.
Kasallanganlar soni kunlik o‘sishi bo‘yicha avvalgi rekord 16-oktabrda kuzatilgan, shu kuni 15 150 kishida COVID-10 aniqlangandi.
Sutka davomida 179 kishi, pandemiya boshlanganidan buyon esa Rossiyada 24 366 kishi COVID-19’dan vafot etgan. Tuzalganlar soni esa 1 075 904 kishini tashkil qilmoqda, shu jumladan so‘nggi sutkada 5328 nafar bemor sog‘ayib chiqqan.
“Rospotrebnadzor” ma’lumotlariga ko‘ra, Rossiyada koronavirusni aniqlash bo‘yicha so‘nggi 24 soat davomida 449 mingta, umumiy hisobda esa 54,3 milliondan ortiq test o‘tkazilgan.
Izoh (0)