Россияда сўнгги суткада 15 982 кишида коронавирус қайд этилди, деб хабар бермоқда Meduza коронавирусга қарши кураш бўйича тезкор штабга таяниб.
Сутка давомида аниқланган касалланишлар сони бўйича Москва (5376), Санкт-Петербург (686), Москва вилояти (466) етакчилик қилмоқда. Мамлакат бўйлаб касалланганларнинг умумий сони эса 1 415 316 кишига етган.
Касалланганлар сони кунлик ўсиши бўйича аввалги рекорд 16 октябрда кузатилган, шу куни 15 150 кишида COVID-10 аниқланганди.
Сутка давомида 179 киши, пандемия бошланганидан буён эса Россияда 24 366 киши COVID-19’дан вафот этган. Тузалганлар сони эса 1 075 904 кишини ташкил қилмоқда, шу жумладан сўнгги суткада 5328 нафар бемор соғайиб чиққан.
«Роспотребнадзор» маълумотларига кўра, Россияда коронавирусни аниқлаш бўйича сўнгги 24 соат давомида 449 мингта, умумий ҳисобда эса 54,3 миллиондан ортиқ тест ўтказилган.
Изоҳ (0)