Dunyo, umuman olganda, koronavirus tarqalishiga tayyor emas edi, deb ma’lum qildi Jahon sog‘liqni saqlash tashkiloti bosh direktori Tedros Adxanom Gebreyesus. Shu bilan birga, u, o‘z fikricha, sog‘liqni saqlash rivojlanishiga to‘g‘ri hissa qo‘shgan davlatlarni sanab o‘tdi, deb yozadi “Kommersant”.
Yangi Zelandiya va Ruanda, Gebreyesusning fikricha, umumiy tibbiy yordam tizimiga muvaffaqiyatli hissa qo‘shgan. “Biz sayyoradagi har bir inson jismoniy va ruhiy salomatlikning eng yuqori darajasiga erishish uchun zarur tibbiy xizmatlardan foydalanish imkoniyatiga ega bo‘lishini ta’minlashimiz kerak”, — deb Gebreyesus Financial Times uchun yozgan maqolasida boshqa mamlakatlarga murojaat qildi.
JSST rahbari Tailandni ham ajratib ko‘rsatib, u yerda tibbiyot xodimlari fuqarolarni uylariga borib ko‘rib chiqish orqali “insoniylik va mahalliy birlashma hissi”ni namoyon qilganini qayd etdi. Shu yo‘l bilan mamlakat yanada sanoatlashgan davlatlarga nisbatan ajralib turishga muvaffaq bo‘lgan. “O‘nlab yillar davomida sog‘liqni saqlash tizimiga sarflangan e’tibor unga yanvar boshida COVID-19 kelishiga tezkorlik bilan javob qaytarish imkonini berdi”, — dedi u.
G‘arb mamlakatlari haqida gapirar ekan, Gebreyesus Italiyani alohida qayd etdi: uning fikricha, “millat darajasidagi hamkorlik va ilmga sodiqlik” mamlakatga infeksiyaning yoppasiga tarqalib ketishini yengib o‘tishda yordam bergan.
Eslatib o‘tamiz, dunyo bo‘yicha koronavirus infeksiyasi asoratlari oqibatida vafot etganlar soni 1,1 million kishidan oshdi.
Avvalroq Jahon sog‘liqni saqlash tashkiloti rahbari Tedros Gebreyesus Deksametazon – COVID-19 ga qarshi kurashda samarali ekani isbotlangan yagona dori vositasi ekanligini ma’lum qilgan edi.
Shuningdek, oshqozon yarasi va bakterial infeksiyalarni davolashda ishlatiladigan mikroblarga qarshi preparat Ranitidin vismut sitrati (RVC) COVID-19 bilan og‘rigan bemorlar muolajasida ham yaxshi ta’sir kuchiga ega ekani ma’lum bo‘ldi.
Izoh (0)