Oshqozon yarasi va bakterial infeksiyalarni davolashda ishlatiladigan mikroblarga qarshi preparat COVID-19 bilan og‘rigan bemorlar muolajasida ham yaxshi ta’sir kuchiga ega ekani ma’lum bo‘ldi. Bu haqda gonkonglik olimlar o‘tkazgan tadqiqotlar xulosasiga tayanib, MedicalXpress xabar bergan.

Foto: “Daryo”

Ranitidin vismut sitratining (RVC) xususiyatlari og‘maxonlarda sinab ko‘rildi.

Qayd etilishicha, tadqiqot natijalariga ko‘ra, koronavirusga chalingan kemiruvchilar o‘pkasidagi virus yuklamasi ming martadan oshiqroqqa kamaygan. Bundan tashqari preparat ahvoli COVID-19 og‘ir kechayotgan og‘maxonlarda zararlanishga qarshi sitokinlar va xemokinlar darajasini kamaytirgan.

Olimlar RVCni remdesivir va boshqa potensial dorilar bilan taqqoslaganda selektivlik yuqori indeksi past sitotoksiklikka ega ekanini ta’kidlagan.