Pokiston shimolidagi Skardu tumanida sodir bo‘lgan ko‘chki yo‘lovchi tashuvchi avtobusni bosib qoldi. Avtobus ichida bo‘lgan barcha — 16 kishi halok bo‘lgan, deb xabar beradi Sinxua agentligi.
“Bugun ertalab sodir bo‘lgan ko‘chki yo‘lovchi avtobusini bosib qoldi. Uning ichida bo‘lgan 16 kishining barchasi halok bo‘ldi”, — deyiladi xabarda.
Skardu okrugi komissarining o‘rinbosari Anas Iqbolning ma’lum qilishicha, yo‘lovchilarning barchasi mahalliy aholi vakillari bo‘lgan. Ular uyiga qaytayotgan bo‘lgan. Barcha marhumlarning jasadi topilgan.
Uning so‘zlariga ko‘ra, hozirda yo‘lni tozalash va harakatni qayta tiklash bo‘yicha ishlar kuchaytirilgan tartibga olib borilmoqda.
Eslatib o‘tamiz, 2020-yilning iyul oyida Pokistonda poyezdning ziyoratchilar avtobusi bilan to‘qnashishi oqibatida 29 kishi halok bo‘lgandi.
Izoh (0)