Toshkent vaqti bilan 18-oktabr tongida yengil vazn toifasi yetakchisi Vasiliy Lomachenko (14-2, 10 KO) IBF kamari sohibi Teofimo Lopesga (16-0, 12 KO) qarshi jang qildi.
Jang to‘liq, 12 raund davom etdi.
Bellashuvning dastlabki raundlarida amerikalik bokschi faollik namoyish qildi. Teofimoda zarbalar soni ko‘proq bo‘ldi, biroq ukrainalik bokschi aniq zarbalari orqali vaziyatni nazorat qilib turdi. 8-raundda Lomachenko faollikni oshirdi va raqibini qiyin holatga solib qo‘ydi. 9—11-raundlar ham Vasiliyning ustunligida o‘tdi. 12-raundda ringda esa teng kurash kechdi.
Yakunda hakamlar 116-112, 117-111 va 119-109 hisoblarini qayd etgan holda bir ovozdan Lopesni g‘olib deb topdi.
Shu tariqa Lopes yengil vazn toifasining WBO, IBF, WBA (Super) va The Ring chempionlik kamarlariga ega chiqdi.
Jang videosini quyidagi havola orqali tomosha qilish mumkin: HAVOLA
Izoh (0)