Xitoyning Sindao shahrida to‘rt kun ichida qariyb 10 millionta koronavirus testini o‘tkazildi va sog‘liqni saqlash bo‘yicha mahalliy komissiya raisi Suy Chjenxua lavozimidan ozod etildi. Bu haqda “Interfaks” xabar berdi.
Ma’lum qilinishicha, Sindao shahrida 15-oktabr soat 08:00 holatiga ko‘ra, 9 947 304 ta koronavirus testi uchun namuna olingan va ulardan 7 646 353 tasining natijasi ma’lum bo‘lgan. Avval aniqlangan kasallanish holatlaridan tashqari, yangi ijobiy natijalar chiqmagan.
Suy Chjenxua 14-oktabr kuni lavozimidan ozod etilgan, ayni paytda unga qarshi tergov olib borilmoqda.
Xitoy tashkil qilingan kun munosabati bilan e’lon qilingan dam olish kunlaridan keyin 12-oktabrda Sindao shahrida koronavirusning alomatlarsiz kechishi bilan bog‘liq uchta holat aniqlangach, shahar rasmiylari to‘qqiz milliondan ortiq odam yashaydigan shaharning barcha aholisida koronavirus testini o‘tkazishni ma’lum qilgandi.
Izoh (0)