Хитойнинг Циндао шаҳрида тўрт кун ичида қарийб 10 миллионта коронавирус тестини ўтказилди ва соғлиқни сақлаш бўйича маҳаллий комиссия раиси Суй Чжэньхуа лавозимидан озод этилди. Бу ҳақда «Интерфакс» хабар берди.
Маълум қилинишича, Циндао шаҳрида 15 октябрь соат 08:00 ҳолатига кўра, 9 947 304 та коронавирус тести учун намуна олинган ва улардан 7 646 353 тасининг натижаси маълум бўлган. Аввал аниқланган касалланиш ҳолатларидан ташқари, янги ижобий натижалар чиқмаган.
Суй Чжэньхуа 14 октябрь куни лавозимидан озод этилган, айни пайтда унга қарши тергов олиб борилмоқда.
Хитой ташкил қилинган кун муносабати билан эълон қилинган дам олиш кунларидан кейин 12 октябрда Циндао шаҳрида коронавируснинг аломатларсиз кечиши билан боғлиқ учта ҳолат аниқлангач, шаҳар расмийлари тўққиз миллиондан ортиқ одам яшайдиган шаҳарнинг барча аҳолисида коронавирус тестини ўтказишни маълум қилганди.
Изоҳ (0)