ASEAN NCAP tashkiloti 2,8 litrli dizel motorga ega yangilangan Toyota Hilux’ning xavfsizligini baholadi. Krash-testlar natijasiga ko‘ra, pikap beshta yulduzni qo‘lga kiritgan. Xuddi shu kabi baho Fortuner’ga ham berilgan, deb yozadi Motor.
Kadr: YouTube
Testda Tailand bozori uchun chiqarilgan Toyota Hilux pikapi qatnashdi. Sinov dasturiga ko‘ra, mashina soatiga 64 kilometr tezlikda to‘siqqa, shuningdek, deformatsiyalanuvchi modulga ega harakatlanayotgan tirkamaga yon tomoni bilan urilishi kerak. Ball tizimi bilan nafaqat yoshi katta yo‘lovchilar va bolalar xavfsizligi, balki xavfsizlik tizimi ishi ham baholangan.
Krash-testlar natijasiga ko‘ra, Toyota Hilux old yo‘lovchilarning xavfsizligini baholovchi mavjud 36 balldan 32,93 ball, bolalar xavfsizligi bo‘yicha 44,04 ball (49 balldan) hamda xavfsiz peshqadam texnologiya uchun 10,95 ball to‘plagan. Umumiy baho 83,42 ballga teng bo‘lib, u beshta yulduzga loyiq ko‘rilgan.
Eslatib o‘tamiz, shu yilning iyul oyida eski Fiat va yangi BMW krash-testi mashinalarning xavfsizlik tizimi qanchalik evolyutsiyaga uchraganini ko‘rsatib bergan edi.
