Yaponiyadagi GT-R Registry auksioni orqali dunyodagi eng qimmat Nissan Skyline sotildi. 2002-yilda ishlab chiqarilgan sportkar 313 400 dollarga baholangan, deb xabar beradi Motor.
Nissan Skyline GT-R M-Spec Nür R34 kuzovining so‘nggi modifikatsiyalaridan biri hisoblanadi. Sportkar o‘z nomini Germaniyadagi Nyurburgring poyga trassasi sharafiga olgan. 2002-yilda konveyerdan jami 285 ta shu turdagi nusxa ishlab chiqarilgan. Mazkur “Skaylayn” seriyaning 63-sonli nusxasi hisoblanadi.
Nissan Skyline GT-R M-Spec Nür modeli Millenium Jade to‘q kulrangiga bo‘yalgan. Model boshqa “Skaylayn”lardan 334 ot kuchini taqdim etishga qodir modifikatsiyaga uchragan dvigateli bilan ajralib turadi. Agregat mexanik uzatmalar qutisi bilan birgalikda ishlaydi. Sportkar soatiga 100 kilometrga 4,9 soniyada erisha oladi, maksimal tezligi esa — 282 km/soat. Odometrga ko‘ra, avtomobil hozirga qadar 6817 kilometr yo‘l bosgan.
Mashina silindrlar bloki kallakchasi tilladan ishlangani, shuningdek, VIN-raqami tushirilgan peshtaxtaga tilla suvi yuritilgani bilan ham ajralib turadi.
Savdolar vaqtida Nissan Skyline 313 400 dollarga sotilgan bo‘lib, u model tarixidagi eng qimmat avtomobilga aylangan. Bundan oldingi rekordni 2018-yilda 300 ming dollarga sotilgan “Skaylayn” o‘rnatgan edi.
Izoh (0)