Namangan viloyati Uchqo‘rg‘on tumanida harakatlanayotgan traktor tirkamasiga osilib, yiqilib tushgan 9 yoshli bola vafot etdi. Bu haqda viloyati IIB axborot xizmati xabar berdi.
Ma’lumotlarga ko‘ra, hodisa 13-oktabr soat 22:30 larda Yangiyer—Uchqo‘rg‘on yo‘lining 3-kilometrida sodir bo‘lgan. 53 yoshli fuqaro fermer xo‘jaligiga tegishli bo‘lgan “MTZ-80” traktorini tirkamaga ulagan holda harakatlanib ketayotganida, tumandagi maktabning 3-sinf o‘quvchisi tirkamaning orqasiga osilgan va yerga yiqilib tushgan. Natijada fuqaro bosh va jag‘ qismidan tan jarohati olib, shifoxonada vafot etgan.
Ushbu holat bo‘yicha Uchqo‘rg‘on tumani IIB huzuridagi Tergov bo‘linmasi tomonidan tergovga qadar tekshiruv harakatlari olib borilmoqda.
Eslatib o‘tamiz, shu yilning may oyida Buxoroda traktor tirkamasining ag‘darilib ketishi oqibatida uch ayol vafot etgan edi.
Izoh (0)