UFC собиқ жангчиси Чел Соннен ўзининг подкастида енгил вазн дивизиони чемпиони Ҳабиб Нурмагомедовни қўнғироқ қилгани ҳақида гапирди.
Менга ҳозиргина Ҳабиб қўнғироқ қилди ва шундай деди: «Менга Ислом Махачевдан яқинроқ одам йўқ. Шу сабаб шуни айтмоқчиман — агар Майкл Чендлер Исломни мағлуб эта олса, уни биринчи рақамли даъвогар деб қабул қиламан».Эслатиб ўтамиз, Махачевнинг UFC 254 мусобақасидаги рақиби Рафаэл дос Аньосда коронавирус аниқланди ва улар ўртасидаги жанг бекор бўлди. Аввалроқ Ислом 24 октябрь кунги мусобақада Чендлерга қарши жанг қилиши мумкинлиги айтилганди. Айни дамда Майкл мусобақа бўлиб ўтадиган мамлакат БААда бўлиб турибди.Мен жавоб қилдим: «Ҳабиб, агар бу гапларни айтадиган бўлсам, сени манба сифатида кўрсатишим керак бўлади». У муаммо йўқлигини ва энг муҳими гапларини етказишимни айтди.
Қайд этиб ўтаман, Ҳабиб Чендлерга совринли жанг ваъда қилмади, бироқ Нурмагомедов совринга муносиблар билан жанг қилади. Шу сабаб у Конор Макгрегорга қарши жанг қилишдан бош тортди, Ҳабибнинг фикрича, Конор реваншга муносиб эмас.
Аввалроқ Ҳабиб Дастин Порьени ким енга олса ўша кейинги даъвогарга айланишини айтганди. Чендлер Порье билан жанг қилмайди, аммо унда бошқа имконият пайдо бўлди. Ҳабибнинг юқоридаги гаплари катта эълон. Биз бунинг қандай аҳамиятга эга эканини биламиз, Ҳабиб — бир сўзли одам.
Чел Соннен, MMA собиқ жангчиси
Бироз олдин Махачев UFC 254 мусобақасида жанг қилмаслиги айтилди, бироқ бироз вақт ўтиб мазкур хабарлар инкор этилди.
Изоҳ (0)