Uzbekistan Airways yaqin 6 oy davomida amalga oshirishi mumkin bo‘lgan parvozlar jadvali haqida bir qator OAVlarda tarqalgan xabarlarni rad etdi.
“Amalga oshirilishi mumkin bo‘lgan parvozlar hamda ularning bekor qilinishi mumkinligi haqida ijtimoiy tarmoqlarda va ommaviy axborot vositalarida joylashtirilgan xabarlar haqiqatga zid. Ayni paytda doimiy reyslar amalga oshiriladigan mamlakatlarda epidemiologik vaziyatni hisobga olgan holda qishki qatnovlar jadvalini tasdiqlash bo‘yicha ishlar olib borilmoqda”, — deyiladi aviakompaniya xabarida.
Aviakompaniya, shuningdek, parvozlar jadvalidagi o‘zgarishlar va aviachiptalar narxi borasidagi xabarlarni Uzbekistan Airways’ning rasmiy saytidan kuzatib borishni so‘ragan.
Eslatib o‘tamiz, kuni kecha bir qator OAVlarda hamda ijtimoiy tarmoqlarda aviatsiyaga ixtisoslashgan Routes Online saytiga tayangan holda 2021-yilning mart oyiga qadar Uzbekistan Airways tomonidan amalga oshiriladigan parvozlar rejasi tarqalgandi.
Izoh (0)