Uzbekistan Airways яқин 6 ой давомида амалга ошириши мумкин бўлган парвозлар жадвали ҳақида бир қатор ОАВларда тарқалган хабарларни рад этди.
«Амалга оширилиши мумкин бўлган парвозлар ҳамда уларнинг бекор қилиниши мумкинлиги ҳақида ижтимоий тармоқларда ва оммавий ахборот воситаларида жойлаштирилган хабарлар ҳақиқатга зид. Айни пайтда доимий рейслар амалга ошириладиган мамлакатларда эпидемиологик вазиятни ҳисобга олган ҳолда қишки қатновлар жадвалини тасдиқлаш бўйича ишлар олиб борилмоқда», — дейилади авиакомпания хабарида.
Авиакомпания, шунингдек, парвозлар жадвалидаги ўзгаришлар ва авиачипталар нархи борасидаги хабарларни Uzbekistan Airways’нинг расмий сайтидан кузатиб боришни сўраган.
Эслатиб ўтамиз, куни кеча бир қатор ОАВларда ҳамда ижтимоий тармоқларда авиацияга ихтисослашган Routes Online сайтига таянган ҳолда 2021 йилнинг март ойига қадар Uzbekistan Airways томонидан амалга ошириладиган парвозлар режаси тарқалганди.
Мавзуга доир: Uzbekistan Airways қўл юклари ташувига чекловлар ўрнатди
Изоҳ (0)