Nizomiy nomidagi Toshkent davlat pedagogika universiteti rektori Alisher Umarov ma’muriy huquqbuzarlikda ayblanib, sud tartibida javobgarlikka tortildi. Bu haqda Majburiy ijro byurosiga tayanib “Xabar.uz” ma’lum qildi.
Ma’lum qilinishicha, avval MIB Chilonzor tuman bo‘limi sud qarori ijrosini ta’minlamagani sababli rektorga nisbatan ma’muriy jarima qo‘llash masalasini ko‘rib chiqish uchun ma’muriy sudga taqdimnoma kiritgan.
Sud taqdimnomani ko‘rib chiqib, mansabdorni Ma’muriy javobgarlik to‘g‘risidagi kodeksning 198-1-moddasida ko‘rsatilgan (hokimiyat vakilining qonuniy talablarini bajarmaslik yoki xizmat vazifalarini bajarishiga to‘sqinlik qilish) huquqbuzarlikni sodir etgan deb topib, unga nisbatan bazaviy hisoblash miqdorining 10 barobari miqdorida jarima solindi.
Sud majlisida rektor ko‘rinish bermagani ma’lum qilingan.
Izoh (0)