Birlashgan Millatlar Tashkiloti Bosh assambleyasida O‘zbekiston BMT Inson huquqlari bo‘yicha kengashiga ko‘pchilik ovoz bilan tarixda birinchi marta uch yillik muddatga saylandi, deya xabar bermoqda “Dunyo” AA.
BMT Yangiliklar markazi ma’lumotiga ko‘ra, quyidagi 15 davlat 2021-yil 1-yanvardan boshlab uch yillik muddatga BMT Inson huquqlari bo‘yicha Kengashi a’zoligiga saylangan: Boliviya, Xitoy, Kot-d’Ivuar, Gabon, Kuba, Fransiya, Malavi, Meksika, Nepal, Pokiston, Rossiya, Senegal, Ukraina, O‘zbekiston, Buyuk Britaniya.
BMT Bosh assambleyasi organi hisoblangan Inson huquqlari bo‘yicha kengashga 47 ta davlat a’zodir. Kengash a’zolari uch yillik muddatga yashirin ovoz berish yo‘li bilan saylanadi.
Avvalroq Xalqaro axborotdan erkin umumfoydalanish kuniga bag‘ishlangan navbatdagi anjuman 2021-yilda Toshkentda bo‘lib o‘tishi ma’lum qilingandi.
Mavzuga doir:
- “O‘zbekiston jahonning barcha mamlakatlari bilan sheriklikni rivojlantirishga doimo tayyor”. Shavkat Mirziyoyevning BMT Bosh Assambleyasi 75-sessiyasidagi nutqi haqida
- Shavkat Mirziyoyev Orolbo‘yi mintaqasini ekologik innovatsiya va texnologiyalar hududi deb e’lon qilish haqida BMT rezolyutsiyasini qabul qilishni taklif etdi
- O‘zbekistonda Markaziy Osiyo xalqaro instituti tashkil etildi
Izoh (0)