Bosh prokuratura huzuridagi Majburiy ijro byurosi direktori lavozimida ishlab kelayotgan Botir Qudratxo‘jayev Xorazm viloyati prokurori etib tayinlandi, deb xabar bermoqda viloyat hokimligi matbuot xizmati xabar berdi.
Bu haqda Xorazm viloyati hokimligida bosh prokuror Nig‘matilla Yo‘ldoshev, viloyat hokimi Farhod Ermanov ishtirokida bo‘lib o‘tgan yig‘ilishda ma’lum qilingan.
Botir Qudratxo‘jayev 2014−2016-yillarda Surxondaryo viloyati prokurori vazifasini bajaruvchi, viloyat prokurori bo‘lib ishlagan, 2016—2017-yillarda esa Toshkent shahri prokurori bo‘lgan.
U 2017-yil iyunidan hozirga qadar Bosh prokuraturasi huzuridagi Majburiy ijro byurosi direktori lavozimida ishlab kelayotgandi.
Xorazm viloyatining sobiq prokurori Jahongir Hotamov Akmalxo‘ja Mavlonov o‘rniga Namangan viloyatiga prokuror etib tayinlangan edi. Akmalxo‘ja Mavlonovning o‘zi esa O‘zbekiston bosh prokurori o‘rinbosari etib tayinlangan.
Izoh (0)