Samarqand viloyati hokimligida yangi tayinlov amalga oshirildi. Qurilish vazirligi buyrug‘iga asosan Mirzoyev Hayot Fazliddinovich Samarqand viloyat qurilish bosh boshqarmasi o‘rinbosari — viloyat bosh arxitektori etib tayinlangan. Bu haqda “Daryo”ga viloyat qurilish bosh boshqarmasi axborot xizmati ma’lum qildi.
Ta’kidlanishicha, viloyat bosh arxitektori vazifasida ishlab kelgan Bobur Elmurodov Qurilish vazirligiga ishga o‘tganligi munosabati bilan viloyat bosh arxitektorlik vazifasini bo‘lim boshlig‘i S.Narziqulov bajarib kelayotgan bo‘lgan.
Tadbirda shuningdek, vazirlik tomonidan soha xodimlarining ishchanligini oshirish maqsadida viloyatning shahar va tumani qurilish bo‘limlariga zamonaviy kompyuter, printer va boshqa texnikalar topshirilgan.
Izoh (0)