Portugaliya terma jamoasi Millatlar Ligasining 3-turi doirasida o‘tkazilgan Fransiyaga qarshi uchrashuvda durang qayd etdi (0:0).
Mazkur uchrashuv portugallar ustozi Fernandu Santush uchun terma jamoa bosh murabbiyi sifatidagi 75-o‘yin bo‘ldi. Shu tariqa u ushbu ko‘rsatkich bo‘yicha Luis Felipe Skolarining natijasini yangiladi (74 o‘yin).
Jamoa Santushning qo‘l ostida o‘tkazilgan 75 o‘yinning 46 tasida g‘alabaga erishgan bo‘lsa, 18 bor durang qayd etgan. Yana 11 o‘yinda esa mag‘lubiyat alamini totib ko‘rgan.
66 yoshli mutaxassis jamoani Yevro—2016 va 2019-yilgi Millatlar Ligasida g‘oliblikka olib kelgan.
Ma’lumot uchun, Santush jamoa boshqaruvini 2014-yilda qabul qilib olgan.
Izoh (0)