“Liverpul” va “Manchester Yunayted” jamoalari Premyer Ligaga o‘zgartirishlar kiritishga harakat qilmoqda.
Avvalroq ikki klub birgalikda katta o‘zgarishlarga olib keladigan taklif loyihasini tayyorlagani xabar qilingandi. Loyiha bilan “Liverpul”ga egalik qiladigan AQShning Fenway Sports Group kompaniyasi shug‘ullandi.
Loyihada keltirilgan takliflardan birida Angliyada Liga Kubogi va mamlakat Superkubogi musobaqalaridan voz kechish nazarda tutilgan. Variantlardan birida Liga Kubogini qoldirish, biroq uni Yevrokuboklarda ishtirok etadigan klublarsiz o‘tkazish taklif etilgan.
Avvalroq ushbu loyihada APL klublari sonini 20 tadan 18 taga qisqartirish haqida gap borgani aytilgandi.
Mazkur rejani EFL rahbari Rik Parri qo‘llab-quvvatlamoqda. U “Liverpul” xo‘jayinlari, amerikalik investor Jon Genri, shuningdek, aksioner va direktor Maykl Gordon bilan muzokaralar o‘tkazgan. Bundan tashqari Parri “Manchester Yunayted”ga egalik qiladigan Gleyzerlar oilasi bilan ham suhbat qurgan.
Loyiha mualliflari “Manchester Siti”, “Arsenal”, “Chelsi” va “Tottenhem” kabi katta klublar tomonidan qo‘llab-quvvatlashni kutmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)