Tennis bo‘yicha Katta dubulg‘a musobaqalari doirasiga kiruvchi “Rolan Garros” musobaqasi finali 11-oktbar, yakshanba kuni bo‘lib o‘tdi.
Unda ATP reytingi yetakchisi Novak Jokovich va dunyoning ikkinchi raqamli tennischisi Rafael Nadal o‘zaro to‘qnash keldi. Uchrashuvda ispaniyalik tennischi nomdor raqibini osonlik bilan mag‘lub etdi — 6:0, 6:2, 7:5.
Shu tariqa Nadal “Rolan Garros”dagi 13-sovriniga ega chiqdi va bu borada mutlaq rekordchi hisoblanadi. Qumli kortlar qiroli laqabini olgan Nadal ketma-ket to‘rtinchi yili Fransiyadagi musobaqa chempioniga aylandi.
Nadal finalga qadar Diyego Shvarsman, Yannik Sinner, Sebastyan Korda va boshqa bir qator tennischilarni ortda qoldirdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)